Mevan Peiris 
මේ දිනවල පැතිර යන Covid-19 වසංගත තත්වය නිසාවෙන් පැවැත්වෙමින් තිබූ ක්‍රිකට් තරගාවලි මෙන්ම පැවැත්වීමට නියමිතව තිබූ මහා ක්‍රිකට් තරග සහ ක්‍රිකට් තරගාවලි නොපැවැත්වීම නිසා දැඩි ලෙස අසරණ තත්වයකට පත්ව ඇති බව ශ්‍රී ලංකා පාසල් ක්‍රිකට් පුහුණුකරුවන්ගේ සංගමය පවසා සිටියි.
ශ්‍රී ලංකාව තුල ජනප්‍රියම හා ප්‍රධානම ක්‍රීඩාව වන ක්‍රිකට් ක්‍රීඩාවේ කොඳුනාරටිය වැනි පාසල් ක්‍රිකට් ක්‍රීඩාව ඉදිරියට රැගෙන යමින් එය රැක ගැනීමට වෙරදරණ පුහුණුකරුවන් මෙම කොරෝනා වසංගතය හේතුවෙන් තරගාවලි නොපැවැත්වීම සහ තරග කල් යාම නිසාවෙන් බොහෝ ලෙස අසරණ වී ඇත. ඉන් බොහෝමයක් පුහුණුකරුවන්ට තම ආදායම් මාර්ග ද අහිමි වී ගොස් පවති.